سوار WHOOP 4 الرياضي و الذكي / يتعقب الصحة و النشاط / مع اشتراك لمدة سنة

ملاحظة:

هذا المنتج للمشتركين الجدد بس ، يعني لما تشبكه مع الجوال لازم تسوي حساب جديد .. بعدها تشبكه .. عشان تحصل على الاشتراك ، لو وصلته مع حساب كان فيه سوار سابق ، ما راح تحصل على اشتراك السنة ، وراح يوصلك فقط اشتراك شهر واحد. هالشي حسب قوانين هوب وخارج عن ارادتنا للاسف.

المنتج متوفر في مخزن نولوجي ستور في قطر .. بعكس ( بعض ) المتاجر الاخرى اللي توفر ال Whoop حسب الطلب مع فترة انتظار طويلة جداً.

ميزات المنتج:

مع السوار تحصل اشتراك لمدة سنة

بعد ما يخلص الاشتراك تحتاج اشتراك تجدد اشتراكك بـ 30 دولار شهرياً.

ملاحظة: اثناء ربط السوار بالجوال ، راح يطلب تطبيق Whoop انك تحط بطاقة بنك ( كريدت كارد )

ليش يطلب بطاقة ؟ باختصار يبون يعرفون لما يخلص اشتراك السنة اللي مع السوار ، هل عندك بطاقة عشان تجدد عقب ؟

البطاقة اللي راح تحطها لازم يكون فيها المبلغ المطلوب .. لكن تطمن! ما بيخصمون مبلغ ابداً

لو البطاقة انرفضت اثناء خطوات ربط السوار .. استخدم بطاقة ثانية .. او تأكد من وجود رصيد كافي

- السوار يتعقب التمارين .. النوم .. عاداتك الصحية بشكل دقيق.

- تعقب النوم يعطيك تحليل شخصي لنومك ويعطيك اهداف مخصصة للنوم.

- يعطيك نتيجة مخصصة للريكفري ويقولك لو تقدر تسوي نشاط اضافي او لا. 

- يقيس دقات القلب .. نوع التمارين والسعرات اللي حرقتها.

- يتعقب ايضاً درجة الحرارة .. وجودة التنفس والاكسجين في الدم.

- فيها قياس للستريس او الضغط النفسي و التوتر.

- البطارية تطول معاك 5 ايام تقريباً.

- لما تبي تشحنها .. اشحن البطارية اللي معاها وبس ركبها فوق السوار عشان تشحن بدون ازالتها من يدك.

- تشحن خلال ساعتين تقريباً.

- لما تخلص شحن .. ببساطة شيل البطارية واشحنها بروحها للمرة القادمة.

- فيه ميزة مدرب تمارين القوة اللي يقولك أقصى شي تتحمله حسب جودة تنفسك وعضلاتك.

- السير نفسه سهل التغيير لو حبيت تغير للون ثاني.

- تقدر تشترك في قروبات من خلال تطبيق الجوال او تسوي قروب بينك وبين ربعك.

- تقاوم الماء حتى عمق 10 متر.

الضمان: سنة